張崇基 張崇德9分鐘爆肺
張崇基、張崇德兩兄弟再次攜手合作舉辦演唱會，由歌手「升呢」為歌唱老師，他們今次將向歷年來高難度的歌曲挑戰，演繹九分鐘的串燒「爆肺歌」，一展歌唱實力！
崇基、崇德兩兄弟合作無間，今年八月十二至十四日將於Star Hall舉辦三場演唱會，是兄弟入行九年來的第六次，兩位當年的華星歌手，近年已升格做歌唱老師，崇基表示：「做唱歌老師責任大咗，好多學生滿腔熱誠想參與歌唱比賽，但我哋唔鼓勵咁做，你要真正準備好先好上呢個舞台！」崇德坦言歌唱比賽會打擊年輕人自信，寧可學生們先打好根基，不要一味追求明星夢。
500萬谷靚音
張氏兄弟雖然近年鮮有公開演出，但他們翻唱別人的歌盡顯魅力，崇基說：「我哋會用自己方式將首歌變成自己咁唱，今次都有好多心水同歌迷分享，其中會有一首長達九分鐘嘅串燒歌，真係好好玩！」崇德表示串燒歌將貫穿十多首高難度經典作品，包括《心酸的情歌》、《讓我跟你走》、《雨夜的浪漫》等，他笑言：「一首已經好難，仲要連唱九分鐘，真係斷氣咁滯！」
兩兄弟今次首次登陸Star Hall，豪花500萬配上全新的喇叭系統，希望將最好的製作放到演唱會上。崇德坦言身為表演歌手，同樣是演唱會的投資者，身份非常尷尬：「歌手梗係想乜都最好啦，但投資者就唔想咁大使，心態上係有蝕錢嘅可能，希望唔會太肉赤！」
採訪：卓藍