JM地獄減肥同家輝鬥瘦
Janice Man（JM）將與影帝級人馬張家輝合作拍電影，眼見對方為演好角色進行地獄式激瘦修身，JM不敢怠慢高呼減肥，免得不努力減磅到時肥過家輝。
JM昨日聯同苟芸慧、杜如風出席化妝品活動，JM更充當化妝師在台上為模特兒畫眼妝，苟芸慧身穿谷胸裙大騷性感。JM表示不用開工都會素顏出街，就算素顏look與fans影合照都不會抗拒，因要對自己的樣貌有自信。JM反而很緊張身形，她說：「呢排有少少辛苦，因為之前去完旅行肥咗幾磅返嚟，要的起心肝減磅，因為要開戲啦。」
有發揮機會
據知張家輝接拍的電影《大追捕》，JM亦有份演出，她說：「今次個角色非常好，好有發揮機會，我見家輝都犀利，練到有六舊腹肌，搞到我都要積極磨練，佢意志好勁，真係好瘦好fit，我怕我唔減，分分鐘肥過佢呀。」而體重只得101磅的JM，目標是減至95磅。
坐唔到落去
近日繼「鋒芝婚變」再到「豪琦離奇分手」，JM與拍拖七年男友李冠鋒一直鬧情變，經過幾個月的冷靜期，仍然未有定案，JM說：「無論一齊與否，佢永遠係我最close嘅朋友。（霆鋒金句係走唔到落去，你係咪坐唔到落去？）呢句都可能用得着。（同佢係咪有共識？）希望有共識，但未有，所以，我唔係逃避唔答，只係未係適當時機。」
文：音樂組