何紫綸爆鋒芝婚變非一夕
張栢芝弟弟張豪龍的前女友何紫綸，出席活動時力撐好友張栢芝，她說：「知佢哋喺歐洲都幾開心，栢芝每次去完邊都會買禮物畀我，當我係妹咁。」問到栢芝現在的心情如何？她說：「應該比之前好，但一定有唔開心，無端端畀人寫到咁，都戥佢難過。豪龍一直都做佢守護神。（你企佢哋嗰邊？）永遠都咁錫佢。企女人角度睇，佢放棄事業生仔，係好難得。畀人寫到咁衰畀我都頂唔順。（婚變因機艙合照？）呢啲係累積，唔會一樣嘢造成。」
她又指與張豪龍拍拖八、九年，只見過謝霆鋒唔夠十次，坦言覺得栢芝與小朋友玩和湊小朋友多一點。至於栢芝兩名兒子是否會過加拿大？她說：「本身都係諗住畀佢哋去外國讀書，唔係為咗呢件事。我覺得新聞對栢芝係雞蛋裏挑骨頭。」