佗B朱凱婷 短訊慰好友

與楊思琦同屆的前港姐朱凱婷，昨日出席活動時自爆已懷孕三個半月，預產期12月，她開心地說：「下個月先照到係仔定女，但仔女冇所謂，最緊要健康。我近日好開心，因為終於可以公布呢個喜訊，已收到好多朋友問候。」談到思琦與李泳豪分手一事，朱凱婷也感愕然：「我有SMS慰問佢，作為朋友唔會問太多細節。我見豪仔好遷就同好錫思琦，兩個一齊好冧。（有指思琦移情舊同學？）我真係唔知，亦冇聽聞，唔想佢哋唔開心，希望分手都做到朋友。」
朱凱婷表示暫時未有孕前不適，只是有少少作嘔及易攰。
朱凱婷表示暫時未有孕前不適，只是有少少作嘔及易攰。

鄧上文有咗4個月

此外，曾參選港姐的鄧上文昨日一身民族服打扮出席節目《漫遊汶萊》記者會，腹部微隆的上文表示有喜四個月，原來她去年三月已在港和拍拖十二年的澳洲「老外」男友拉埋天窗。將為人母的上文表示會繼續工作，早前拍劇集《潛行追擊》，由於當時初懷孕怕BB「小器」，故未有告知劇組。

鄧上文去年與老外男友結緍，鄧英敏（右）榮升外父好開心。
  • 鄧上文去年與老外男友結緍，鄧英敏（右）榮升外父好開心。