王菀之（Ivana）昨日獲邀到電台參與遊戲節目，她跟主持人玩鬥長氣玩到面青青，令她笑言非常可怕。近日忙於籌備10月紅館處女騷的Ivana表示心情開始緊張：「我上網搵先知7月底優先訂飛，但公司同我都唔知道呢件事，身邊好多親朋戚友要留飛！」
Ivana表示已開始上網向不同的國際性演唱會偷師，她說：「今次放好重投資落去聲音方面，以靚聲行先，樂手亦都會比平時多，唔想用電腦做效果，想將音樂人性化啲！」問歌酬是否收順些？她說：「都唔知歌酬係幾多，開騷唔係睇錢，希望贏到口碑。」
