拉姑玩自閉蘇永康擔心
蘇永康曾與張栢芝傳過陳年緋聞，昨日康仔出席活動時被重提舊事，他承認曾跟栢芝單獨食飯，他說：「嗰排自己離婚，栢芝又甩拖，我哋一齊滑水先有誤會，佢咁靚女，自己唔敢高攀，拍過拖點做朋友呢。」身為鋒芝朋友的康仔指自己身份尷尬：「佢哋都叫我做阿公，霆鋒係兄弟，栢芝係契妹。」記者笑他還是緋聞男友？康仔說：「溝唔到咪認契妹囉。」
講到鋒芝婚變，他嘆說：「當事人話處理中，希望身邊人唔好講咁多，畀佢哋冷靜處理，佢哋幾十歲人都大個，老友如我都唔會依牙鬆弶，希望佢哋下咗啖氣。」康仔坦言最關心狄波拉：「因為搵佢唔到，可能佢想靜吓，自己最緊張係老人家，唔通我去搵小朋友咩（Lucas和Quintus）。」