Rick撐湊仔有一手
自爆幫栢芝做「湊仔公」的化妝師Rick Chin，昨晚出席活動時，被問到Lucas和Quintus可有跟他說好耐冇見爹哋霆鋒？Rick則言：「冇提呢樣喎，（掛住爹哋呢？）都冇喎，但有話掛住媽咪囉，可能栢芝每個鐘頭打一次返嚟啦。」小朋友知父母婚變？他謂小朋友還小應該不知道。而Rick承認已和返港的栢芝聯絡過，覺得她心情沒怎樣。霆鋒說栢芝還愛他？Rick謂：「咁我唔知栢芝，但我睇電視霆鋒都話愛栢芝o架。（栢芝身邊嘅人係咪要收聲？）其實都唔應該講咁多，包括我都要收口。」
有指栢芝不給拉姑和四哥見兩孫仔？Rick謂：「肯定冇呢回事。（網民批評你唔識湊仔？）你錯啦，我湊仔有一手o架。（點解Lucas唔使返學？）世界上有私人教師呢樣嘢，我都會教佢哋。（應接受正常教育？）暑假後就正常返學。」問他幫哪一邊？Rick卻說：「唔好講呢啲啦。（你行動上幫晒栢芝？）我幫理不幫親。（即係栢芝有理？）總之朋友、夫妻、同事間發生乜事都應坦誠相對。（咁撫養權呢？）法律責任嘅嘢唔講啦。」