馬明圓走高檔拒做「胸」模
身為Elite模特兒兼為名模Mandy Lieu師妹的馬明圓（Mimmy），早前為澳門銀河綜合度假城拍廣告而為人所認識。由於該廣告十分大型，不少港鐵站及車廂等都見到Mimmy的樣子，故最近吸引不少內地電視劇及電影製作單位邀請試鏡，其實她除了拍過不少廣告外，更曾為古巨基的MV配音，認真係「聲」、「色」俱全。Mimmy說：「其實冇諗過個廣告係咁大型，真係對我嘅一個肯定，負責呢個廣告嘅攝影師之前有同我合作過，佢覺得我可以handle到所以推薦我，因為呢個廣告需要無論眼神同笑容都要好吸引同開心。」
同潘霜霜劃清界線
雖然Mimmy從上海來港兩年，但卻說得一口流利的廣東話，她謙說是看電視劇而慢慢學的。對於近年不少國產女模包括林峯舊愛潘霜霜及張馨予等「胸」群而出，當中可能有些有負面形象，Mimmy說：「我唔識佢哋，每人追求唔同，我揀呢間公司都係想做高級啲嘅工作，我唔係o靚模。我唔想搞是非或緋聞而成名，反而我目標想好似Amanda S.咁，唔靠緋聞都一樣有工作。」
服裝提供：Miss Sixty