趙哲妤多阻滯望天打卦
「中國小姐」趙哲妤憑着33C驕人上圍踩入模界胸戰，將推出處女寫真。可惜原定本月中於中港澳三地拍攝寫真相的她，卻因日前惡劣天氣影響進度，令她擔心寫真集不能如期出戰。
擁33C上圍的趙哲妤（Uny）從選美轉戰模界，更整裝待發於書展推出寫真與一眾o靚模對撼。Uny雖然獲公司力谷寫真，更以人體彩繪作賣點，但萬事俱備卻欠東風，因上星期天氣欠佳，令Uny仍未能如期完成拍攝，認真出師不利。
據知上月尾為止，Uny只能完成香港地區的拍攝工作，惟內地及澳門的拍攝卻生波折，她說：「本來6月中會去內地同澳門嘅四季酒店影寫真，不過上星期又落雨又打風去唔到。依家好擔心，影寫真都好似要聽天由命。」
與趙碩之寫真比較
問Uny若不能如期完成，有何應變計劃？她說：「其實香港拍攝工作已經埋尾，如果真係影唔切，公司打算喺書展推出第一版，書展後再推出第二版。」
Uny是次寫真可算首部力作，除以人體彩繪做賣點，亦邀得今年為趙碩之（Wylie）拍攝寫真的攝影師Rex Tsui掌舵。而Rex早前曾表示拍完Wylie寫真後不會再接寫真工作，問Uny是否令對方改變主意？她笑言：「因為佢之前見過我之後覺得我唔錯，所以願意幫我。雖然佢收得貴，但絕對值得。到書展大家不妨拎我本寫真同Wylie嗰本做比較！」
Profile趙哲妤（Uny）
外號：山寨版法拉
年齡：23歲
三圍：33C、23、35
代表作：Jelly Girls成員、《2010中國小姐大賽》季軍及香港區五料冠軍
文：專案組