霆鋒表示會讓兩兒在安穩、健康環境下成長，不排除他與栢芝決定離婚後仍選擇一齊生活照顧一對囝囝，若在這情況下，贍養費與撫養權方面會怎樣安排？黃國桐律師表示：「贍養費一樣要畀，會睇吓邊個負責屋租、供樓、水電煤等，贍養費會依此調整。（唔使爭撫養權？）撫養權要照經法庭判決，始終要有人話事，決定小朋友嘅供書教學，當然離婚之後依然一齊住，探望權某程度上會變咗形式化。佢哋可以申請共同撫養，相信個官會好樂意咁樣判。」
假若一方獲撫養權，可否安排小朋友往外地或交由其他人照顧？黃國桐說：「如果去外地旅遊可以，但如果係移民升學等安排，就要經法庭批准，個官要了解、衡量安排小朋友去外地嘅原因去判。」可否安排小朋友在港由其他人照顧？黃國桐指：「另一方唔挑戰就OK，但佢亦可以執住『點解你攞咗撫養權唔親自照顧』為由申請攞番撫養權，撫養權係可以隨時轉嘅。」