神奇透視衫
係男人都以為女人愛鬥事，但其實女人最愛嘅係透視至真。今個夏季，透視裝成為時裝界重要一環，薄透質料令人感到涼浸浸，最好用來對付炎夏熱力，不但舒服涼爽，散熱力之餘亦有助凸顯魅力。過去一星期，香港氣溫平均超過30℃，不少女藝人趁機發功玩See Through，不過無論各界如何發功，都不敵擁有神級地位的發嫂與名模馬詩慧。
高貴型格
馬詩慧係咁多位裏面着得最時尚嘅一位，女人味、型格、Fashion集於一身，件衫嘅質料同剪裁高貴，唔會令人覺得暴露！
清新含蓄
蔡卓妍件衫上半肩隱約透視，含蓄斯文，亦畀到人舒服感覺，呢類裝束適合較含蓄嘅女仔。
超齡示範
對唔住都要講句！梁靖琪其實好靚亦青春，可惜佢條褲太鬆身，所以令佢整體變得年紀大咗，鬆身衫最好着貼身褲，咁樣線條會靚同型好多。
略遜一籌
李毓芬呢件透視衫就真係比較難睇，因為感覺有少少唔正經，如果佢係出騷先着問題都唔算大，出街就唔好！
型女變娘
鍾舒漫闊褲令到佢變得平凡，如果下身係窄褲，或者上窄下闊，反而成個會有型番好多。
未夠Sexy
趙彤咁樣着唔係唔靚，只不過整體裝束而言，件衫就可以更透視，因為更透視就更突出佢嘅女人味。
簡約自然
發嫂一身裝束好有夏日氣息，簡單透視恤衫，入面加白色打底，感覺唔係Sexy，係簡約有型，加上草帽配襯，感覺好清新。
今期為大家評衫的名模陳嘉容縱橫時裝界十多年，多年來除與不同國際時裝品牌合作，又身兼不同品牌代言人，曾拍電影、出書、教形象、擔任電視節目主持人，早前便擔任《潮拜教室》主持，品評圈中人衣着。