MC Jin KT心太軟拍住上癮

提起甜品便十分興奮的MC Jin手舞足蹈表示：「我最鍾意食呢度嘅『心太軟』，係老闆娘介紹我食，點知食過翻尋味，我三十幾年嚟都鍾意食『心太軟』，最好食都係呢間，不過如果當日賣晒嘅話，我會揀食『瘋狂朱古力』，呢款甜品係由布朗尼、朱古力蛋糕同朱古力布甸整成，一樣好好食。」

而KT亦不約而同愛上「心太軟」，他說：「呢度嘅『心太軟』上枱時仲係熱辣辣，內裏嘅朱古力漿又唔太甜啱啱好，配埋個雪糕球，又凍又熱令人一食上癮。」KT亦對「西多士麵包布甸」讚不絕口。拍照期間，MC Jin和KT急不及待狂擦枱上的甜品，不消一會便被二人「幹掉」。

MC Jin見客也會選擇在糖水店。

MC Jin和KT於店舖門外拍照留念。