陳靜落咒：驚佢辣親個胸
o靚模陳靜、許穎和何佩瑜前晚於電影煞科宴中再度碰頭，身材惹火的許穎拋胸出擊，還坦言立心性感到場搶鏡，結果招來兩女暗寸單打。
「百果園咪神」陳靜（DaDa）、「葛女郎」許穎（Phoebe）和「周秀娜師妹」何佩瑜（Jeana），前晚出席電影《喜愛夜蒲》煞科宴，許穎身穿一件貼身低胸背心騷胸搶鏡。收起「咪咪」、被貓抓傷眼的陳靜暗寸說：「等我好番先。傷咗眼搵唔到衫，亦冇心情打扮。今日打邊爐啫，擔心佢『辣』親個胸。」同場Jeana亦性感出擊力抗許穎，對於許穎存心搶鏡，Jeana說：「唔緊要，好戲在後頭，今晚食火鍋啫，我首映先性感。（搶鏡犯眾憎？）我都搶過鏡，但今日喺旺角搞活動，唔想喺條街着得太性感。」
全裸激戰
Phoebe坦言悉心打扮到場是希望獲得別人注目，她說：「搶到梗係好啦。（立心搶鏡？）梗係啦。（陳靜話傷眼先冇心機打扮？）我有病都會悉心打扮o架。」
而密實打扮的楊愛瑾對於早前被指是「小三」坦言感到委屈，但心情已平復，問到與男友的關係如何？她說：「我又唔想講大話，總之未到結婚都唔會高調，但結婚會同大家講。」煞科現場播放電影片段，陳靜與王宗堯疑似全裸床上激戰；而何佩瑜則與陳柏宇激吻肉搏連場。
文：影視組