栢芝家變 好友力挺 葉佩雯：對佢唔公平
張栢芝前日接受本報獨家訪問，忍無可忍力數老公謝霆鋒，栢芝的真情剖白極具回響，好友紛紛祝福支持。
葉佩雯（Grace）：栢芝感冒留在家中休息，我曾經見過佢同兩個細路，我冇問佢婚姻嘅事，外界寫得好誇張，戥佢唔開心，畀人寫到咁，栢芝唔多唔少都有唔開心，咁寫亦對佢唔公平！（傳佢哋部署爭細路？）我做朋友唔方便答有關嘅嘢，我支持佢哋，希望兩邊都開心。
Eric Kwok：真係冇嘢可以回應。（希望佢哋家和萬事興？）唉，唔知，有咩說話我會直接同佢哋講！
陳建州（黑人）：不管未來發生任何事，做朋友的我們一定會在你後面支持你的……也希望媒體可以給他們空間，好好的處理人生中碰到的困難！當你覺得寂寞孤單，你的心將要破碎……要記得我們在為你禱告！！！栢芝加油……
范瑋琪：家務事外人真的不清楚，身為朋友也只能給予一定程度的關心。希望他們能盡快走出這場風暴，祈禱～
Angelababy在微博說：感情的事只有兩個人知道，別人插不了嘴，也沒有資格評判，請給他們空間。
何超儀：我有關心鋒芝婚變，不過栢芝都要飛走，畀啲空間人哋啦！
何紫綸（張豪龍舊愛）：栢芝係百分百盡責好媽媽，如果佢出得嚟講嘢，一定係忍無可忍、頂唔順先至咁做。一個女人帶住兩個小朋友、有個家庭，點會無端白事出嚟挑釁搞事？我同豪龍拍拖時，知道栢芝好愛霆鋒，但後來之間發生咩事我唔想講。（霆鋒係咪栢芝所講唔係好爸爸？）我同霆鋒唔熟，但我知道栢芝一定錫小朋友多啲。（傳栢芝「陰乾」霆鋒財產？）識栢芝嘅都知道，貪錢呢兩個字絕對唔會喺佢字典出現，佢非常豪邁豪爽，對人好有情義，佢係情願自己唔食都會畀屋企人，話佢貪錢等於係廢話同笑話！
Rick Chin：不明白，有些人可以顛倒是非黑白，良心在哪裏？啞忍的，默默承受的，就被貶到罪人一樣。這些胡亂寫說的人，可以活得安樂？！損人不利己的，良心在哪？親愛的，我們不會讓你受罪，亦不容許不知情的人，加罪於你！
白韻琹：我早已預料鋒芝會離婚，兩人的父母也是離婚收場，子女最易受父母影響而行相同的路。栢芝應該收口，所謂君子不出惡言，況且佢哋係夫婦，栢芝再咁鬧對佢百害而無一利，等同喺佢美麗嘅面上自插幾刀，霆鋒唔回應就最叻。至於兩個小朋友最好交由嫲嫲狄波拉照顧。
