楊采妮唔會夾硬結婚

楊采妮與作家王貽興昨日出席「漂書節」開幕記者會，二人捐出書籍作交流。楊采妮表示所捐出的書是教人要活在當下，找到內心的寧靜，她說﹕「我依家仲努力鍛煉中。（對乜最放唔低﹖）屋企人嘅健康，好多年前我爸爸有癌症，我係獨生女，變咗我係當家咁，要決定做唔做手術，當時好大壓力。」
楊采妮捐出書籍，教大眾要活在當下。
楊采妮捐出書籍，教大眾要活在當下。

另外，對於好友莫文蔚早前宣布結婚，楊采妮表示戥對方開心︰「我好想佢搵到幸福，見到佢準備好再自己宣布喜訊，覺得好開心，我都希望好似佢咁。（幾時到你﹖）唔知，唔會為結婚而結婚。（佢同初戀男友結婚，你個初戀男友呢﹖）佢已經結咗婚，有個美滿家庭。」