四叔錫晒子淇送禮獎勵

「千億新抱」徐子淇於上周誕下6磅男B，向來恨抱男孫的老爺李兆基及丈夫李家誠昨日出席「銀團貸款簽約儀式」時，二人均笑到見牙唔見眼，並叫職員在場大派薑醋券。

認買地建大宅

當記者恭喜四叔時，他即揮手邊道謝。問到子淇今胎生仔，他是否分外高興？四叔笑容滿面地說﹕「好高興，多謝上天賜福。（派咗1500萬利是﹖）差唔多，每人一萬蚊，我公司有千幾個員工。」提到剛出世的男孫，四叔笑得更開懷，他形容孫仔﹕「好靚仔，五官端正，個樣似家誠多啲。（改名未﹖）考慮緊。」對於勞苦功高的子淇，四叔稱一定會送禮物獎勵，但仍在考慮送甚麼，問到會否想子淇再為李家添丁？他笑言一切順其自然。而提到早前購買的地皮，他承認將會興建大宅，好讓全家一齊入住。

四叔與兒子李家誠出席活動時，均難掩興奮心情。

孫仔似足兒子李家誠，難怪四叔大讚靚仔。

囡囡未有呷醋

另外，李家誠透露子淇狀態好好，現在家中休息，問到子淇懷孕期間是否長胖不少﹖他否認﹕「睇相都唔覺肥咗好多。（張相幾時影﹖）唔記得咗，約兩個月前。（係咪送咗億幾遊艇畀BB﹖）無，只係送咗小禮物畀子淇。」不過，李家誠不肯公開BB確實出生日期，問到是否為兒子擇日開刀﹖他說﹕「隨便參考下。（囝囝個名會唔會跟智字﹖）考慮緊。（之前囡囡係觀音托世，咁囝囝呢﹖）呢啲係人哋講啫。（BB性格點﹖）未睇到住，我估佢活潑啲啩。」他稱兩名女兒未有因BB出世而呷醋，而他已代BB送禮物給二人。至於會否再追仔﹖李家誠坦言先讓子淇休息，遲些再算。

文：名人組