胡渭康宅男下廚慰雙親
再戰樂壇的前「小虎隊」成員胡渭康，自言在工作以外，絕對是宅男一名，每天不是練拳健身，便是在家烹飪自娛，其餘時間便是到老人院探望父母，胡渭康透露年過八十的雙親皆患上老人癡呆症，他樂觀地說：「講真我唔覺得有病係一件好sad嘅事，媽媽連我都唔認得，但就見佢哋每日都生活得好舒適，老人院將佢哋照顧得好好，好到我覺得呢個係佢哋嘅福氣，亦係我嘅福氣。」
胡渭康自言經常會帶同自己炮製的美食前往探訪，陪雙親吃一頓飯，他說：「食一餐飯已經係好好嘅溝通，好過夾硬傾偈，佢哋未必記得亦未必有精神去聽。」胡渭康坦言向來有做善事的習慣，多年來為不少團體出力，可能因而結下善緣，父母能得到如此好的照顧，自己也全無後顧之憂地為事業再出發。