方大同嫌複雜拒追薛凱琪
入行多年的唱作人方大同，緋聞傳來傳去都是薛凱琪（Fiona），最近兩人的緋聞死灰復燃，但大同以邏輯理論去推翻，他形容與Fiona的緋聞是得啖笑，從未想過苦苦追求「她」這個複雜問題。
大同跟Fiona因結伴去看電影，令緋聞再次翻炒，更言之鑿鑿指兩人拍拖「斷正」，但中文程度有限的大同笑說：「咩叫斷正？我唔明。」有指他苦追Fiona，終打動對方秘密拍拖一年，大同笑說：「都唔合邏輯，呢五年耐不耐都講吓我哋，咁咪散咗好多次？又拍咗好多次？好誇張好好笑。」
大同否認拍拖，只承認跟Fiona是好朋友，可有想過追求對方？他笑說：「依家冇諗到呢啲咁複雜問題，大家真係朋友。（可會日久生情？）咁就要睇吓點漸法。」
滿意演出
最近大同為moov live舉行了一場音樂會，他跟新碟兩位好拍檔彈bass的基仔、打鼓的一丁披甲上陣，他坦言滿意演出：「之前好期待，開始時大家都有少少緊張，但嗰晚好玩，我哋清楚自己嘅範疇，互相支持，感覺好natural，啲聲又靚。」當晚大同除了獻唱新碟的歌曲，還特別選唱了英國歌手Eric Clapton的《Driftin' blues》及披頭四的《Come Together》，他說：「《Driftin' blues》係我15歲時成日彈嘅blues，我好鍾意，（點解唔揀中文歌？）好多廣東歌我都唔識，所以冇得揀。」
文：音樂組