法拉保「媳婦」之謎 免「夫家」尷尬
陳法拉昨日連走三場，上午送完爸爸機做孝順女後，下午出席無綫新劇拜神，又為名錶活動任嘉賓，對於早前以薛家家屬身份現身男友薛世恒外婆喪禮，懂大體的法拉不欲多言，免喧賓奪主，令薛家尷尬。
法拉昨早十一時，兩手空空與父親現身機場離境大堂，一見記者拍照，即與爸爸有默契地彈開，沒有停下接受訪問，只說：「我送爹哋機之嘛！」待法拉爸入閘後，法拉便離開，出席無綫劇《潛行狙擊》拜神儀式，對於被指早前在Neway太子薛世恒外婆喪禮中，以「媳婦」身份獲安排坐家屬席，法拉只回應：「唔開心嘅事（指喪禮），唔想講。」
慳家唔收錶
法拉其後換上紅色Roberto Cavalli晚裝，戴上價值78萬2千1百港元鑽錶出席DeWitt活動，由於裙子腰間兩側開窿，令法拉玉背若隱若現，她說：「條裙四面埋伏，我黐晒膠紙，做足安全措施。（男友儲錶？）馬浚偉教識我研究手錶，有買嚟投資。（叫男友送錶？）拍嘢都戴唔到，唔使送！（喺薛世恒外婆喪禮度同諸葛紫岐面左左？）唔想講太多，尊重場合。」
拒趁機加價
此外，法拉透露有留意陳志雲涉貪案：「好多同事都識，我喺心度關心佢哋，我冇興趣八人哋出騷價，只知做好本分，唔怕比較。（趁機加價？）呢啲唔到自己控制，只要形象健康、努力同有經驗，就會有品牌認同。」
而黃宗澤在《潛行狙擊》拜神儀式上，否認外傳因拒加簽無綫八年合約而被雪藏，他說：「傾過續約，仲有好幾年，根本未傾到價錢，（新戲被飛？）都未知係咪開，況且我仲有兩三部戲簽咗，又有幾部傾緊。」
文：影視組