王羽寶刀未老撩甄子丹隻揪
甄子丹與湯唯主演電影《武俠》陣容鼎盛，由曾紅極一時的王羽擔任「教主」一角，雖戲份不多，但霸氣十足，掀起不少高潮位。導演陳可辛表示拍攝《武俠》時，一直為「教主」角色感頭痛：「我拍咗一半都未定到呢個角色邊個做，因為一定要係有分量嘅演員，但有分量嘅演員，未必會願意幫你演呢兩場戲！嗰時我心目中有一個人選就係周潤發，但我一路都唔好意思搵佢，因為我估佢一定唔會嚟。」
直至美術總監奚仲文提到王羽，陳可辛即覺得是一個很合適的人選，便託陳自強找王羽，王羽亦被劇本打動，願意以一元象徵式酬勞接拍該片。
雖然陳可辛對王羽推崇備至，但王羽自爆首天開工並不爽，因得悉電影公司安排了替身給他，甄子丹又不敢跟他對打，令他感氣結。王羽：「我明白大家都是想為我好，雖然我已經68歲，但每天都有做大量運動，拍甚麼戲都完全沒有問題。」為了令子丹跟自己對打，還多次向子丹「撩交打」，最終成功得逞。