陳柏宇（Jason，圖）為慶祝入行五周年今日推出首張新曲加精選專輯《Quinquennium》，日前他抽了兩日時間拍攝多輯封套相。Jason透露為給歌迷新鮮感罕有露點示人：「印象中好似冇試過露點，今次可以講係犧牲色相，真空着住西裝褸，之後要擺出不經意嘅姿勢畀攝影師影到露點，都咪話唔辛苦。」
雖然Jason不算高，但其身形可謂fit到爆，貪靚的他拍攝前刻意做掌上壓谷胸，可惜唱片公司未有挑選該批露點相，難怪他失望的說：「公司用番第一輯相，簡直浪費我做掌上壓嘅時間。」
