(10)李天縱Chok峰 怪羅仲謙初哥

昨日14名港姐及嘉賓羅仲謙、袁偉豪與蕭正楠到墾丁夏都酒店進行拍攝工作，近日颱風逼近當地，本以為會下滂沱大雨，但到埗後天氣尚可，惟佳麗仍冒着大風擺甫士，當中(15)梁蔚翎的頭髮更被吹亂飛起。

喊驚扶到實

兩男羅仲謙及袁偉豪即場除衫會一眾佳麗。

亦屬Big爆組的(13)蔡慧欣甚有睇頭。

佳麗的泳裝分為三點式及一件頭兩批，身材最出眾的(3)許亦妮、(10)李天縱及(13)蔡慧欣被安排穿三點式，當中李天縱再次「包唔晒」，踏上沙灘越野車時更因負荷太重，一度站不穩。羅仲謙負責接載幾名佳麗拍片，但見他駕車時窒下窒下，令身後的李天縱不停「Chok峰」兼臉帶驚惶。事後她以普通話怪罪羅仲謙：「技術不太好，時快時慢，像剛剛學的！可能沙路不平吧！（你撞到佢？）不會，扶得好緊。（鍾意佢？）不喜歡太壯！」

(15)梁蔚翎被大風吹得「頭髮亂了」。

羅仲謙載李天縱遊沙灘，嚇得伊人又驚又要顧儀態。

食西瓜充飢

謙仔死撐駕駛技術不俗，只是對方坐後面才覺得「Chok」，提到對方不喜歡大隻男，謙仔說：「每個人有唔同擇偶條件，但我會Keep大隻。（吸引唔到佢？）冇所謂啦！」李天縱又表示昨日只吃了西瓜望身形更好，亦自知「漏奶」：「但之前那件更小！」

形象監督陳惠英表示泳衣分組視乎佳麗身形，盡量突出其優點，大熱(5)朱晨麗不介意被安排穿一件頭：「上次騷腹肌，今次騷線條，唔使次次三點式嘅。」對於昨日表現較上次自然，她承認有對鏡練習。至於(14)朱希敏本屬零睇頭洗衫板，但她仍滿意穿一件頭：「都騷到線條。（輸蝕？）冇考究，唔覺唔公平。」

文：影視組