阿B陪女戲水預祝父親節
已是四位子女父親的鍾鎮濤（阿B）為努力搵奶粉錢，近年經常要到內地拍戲，女友范姜早前便帶兩位小女兒鍾懿和鍾幗前往惠州給阿B探班，阿B把握親子機會與兩女戲水暢泳解相思。
周日便是父親節，阿B近月都分身不下，於惠州為電影《東成西就2011》開工，返港見三個寶貝女的時間亦買少見少，尤其年幼的兩名「小公主」鍾懿和鍾幗，每日只能靠視像電話來維繫父女情，為解相思之苦，女友范姜日前便帶兩女到惠州見爹哋，令阿B開心不已。
然而鍾懿和鍾幗更穿上「姊妹裝」出現，見到爹哋兩小公主即時大發嬌嗲，要阿B陪她們到泳池游水，雖然拍了一晚通宵戲的阿B相當疲倦，但廿四孝的爹哋情願捱眼瞓都要陪兩女水中玩樂，阿B頓時倦意全消。
全家福窩心
阿B表示很珍惜與兩女兒的生活點滴，鍾懿的舉動令他很感動，他謂：「有次我唔舒服係咁咳，我叫唔好咁近我，鍾懿就答我『咁你擰轉面。』嗰刻我當堂心都淡晒，點知佢就話『我幫你拍下背脊等你舒服啲。』即時冧番。只得歲半的鍾幗一樣識錫爹哋，每次有食物在手都第一時間給他，與他一同分享。
問到父親節禮物？阿B坦言：「只要見到班仔女開心已經係最好嘅禮物。」愛畫畫的鍾懿原來早已為爹哋偷偷畫了一幅全家福做禮物，女兒的心意阿B大叫窩心。
文：音樂組