狄易達放不低 Chok樣谷淚
歌手狄易達早前為新歌拍攝MV，與師妹黃詠彤飾演情侶，但最後被狠飛。為配合劇情，他Chok樣飾演失戀男，更借助舊日情史獻出幕前第一滴淚。
狄易達早前為新歌《半死》拍攝無綫版ＭＶ，夥拍小師妹黃詠彤大晒甜蜜，放下勁舞演繹情深一面。他說：「首歌係講同個女仔分手之後，對方有新戀情，但自己仲未放得開。雖然唔係第一次唱情歌，但今次嘅歌詞好貼近生活，就算冇經歷過，都可以幻想到嗰個畫面。」
工作密麻麻
拍攝過程中，達仔除以師兄身份帶黃詠彤入戲外，更真情上演流下男兒淚。他說：「冇花冇假係真眼淚嚟架！（有類似經驗？）咁失戀人人都會有，喊嗰幕都有借用番以前嘅片段幫自己催淚，但最貼身嘅體驗都係『半死』嘅感覺！因為最近工作都幾密，除咗拍劇、錄歌工作，仲要處理跳舞學校嘅運作，每日都唔係瞓得好多。」
另外，達仔最近除了忙拍劇集《潛行狙擊》，同時又為無綫主持J2節目《安樂窩》。能夠頻頻參與無綫不同類型製作，令人聯想是否因唱片公司大老闆陳國強入股無綫有關。達仔說：「如果咁講，會唔會抹殺咗一班同事嘅努力呢？自己真係冇特別去理呢啲報道，只係畀心機去做好每一個工作。」
採訪：陳寶