Monna時刻省鏡 Iris跟風執正
陳靜兩位師妹混血o靚模Monna（林宜芝）及「爆E超蓮」Iris（鍾采義）今夏攜手出寫真，早前兩人到上海拍攝逗留六日五夜，感情增進不少。性格爽朗的Iris向來被指是傻大姐，不用出席公開活動時打扮隨意，相反Monna任何時候都執到正。Iris笑言與Monna相處後被影響很多：「我見Monna幾時都咁靚，如果我仲唔打扮吓，咁咪好蝕底？」
此外，Monna在上海有不少朋友，但因拍攝行程緊密，未能與所有朋友敍舊。她說：「今次休息時間都唔夠，見唔晒啲朋友，希望之後可以再返上海。」
