感激男友共患難 陳敏之大肚至肯嫁

近年好多圈中人不再將戀事收收埋埋，陳敏之亦選擇大方公開有一位拍拖六年的男友William。敏之爽快地說：「男友唔係圈中人，所以我一向將感情事低調，但大家拍咗咁多年拖，感情好穩定，所以依家大家再問我，我會輕輕鬆鬆咁回答。」

去年底，敏之患上淋巴炎導致面部浮腫，要停工休息，多得William悉心照顧，她說：「病嘅時候有個人喺身邊，感覺特別深。」問到婚期？她耍手擰頭說：「承認拍拖唔代表要結婚，依家結同唔結都冇分別，依家仲係事業衝刺期，如果真係有咗BB先會考慮。」

敏之坦言有ＢＢ才會考慮結婚。

敏之認定男友William為結婚對象。（資料圖片）

有得發揮唔怕露

敏之拍攝《怒》劇時亦十分搏命，意外跌斷左邊鎖骨，她表示現已完全康復。飾演妓女的敏之在劇中狂騷43吋長腿，被封「索腿天后」，她笑言當之無愧：「讀書時已經有42吋長腿，最近至發現原來有43吋，原來一直報細咗。」敏之在劇中有不少大膽鏡頭，露腿、露背又露肚，但身為演員她只想演好角色。

敏之透露為更了解性工作者的內心世界，開工前曾與一位任職夜總會的「媽媽生」傾談，從中取經。

文：專案組

攝：沈健程

化妝：木子

場地：L16

髮型：Van @ Hair