黎耀祥變生招牌愈做愈肥
黎耀祥、麥長青、張美妮、李思欣及梁烈唯日前原班人馬為酒家拍攝新一輯電視廣告，五人拍攝時齊齊擺出生鬼、趣怪表情、動作。而祥仔工作不斷，除荷包飽滿外，身形也發福不少，果然愈拍愈「肥」。
眾人為東海酒家拍攝新廣告，擔任代言人多年的祥仔可說是「生招牌」，酬勞更是每年遞增，說到他不停接廣告，愈拍愈「肥」，祥仔笑謂：「我真係肥咗，之前去咗兩個禮拜登台同旅行都肥咗六磅，依家要勤啲去做機、做運動。」
至於麥包笑言今次收「友情價」，他指由於現時忙於拍劇集《樂府藏龍》，故推掉不少廣告。
梁烈唯練齊腹肌
梁烈唯於廣告中，有一拳手造型，他更盡顯其六舊腹肌，他笑謂：「係呀！遲啲我可以拍寫真，有四舊係好多年前做gym操番嚟嘅，拍《女拳》嗰陣六舊腹肌就齊晒。」而張美妮之前與大夥兒為此廣告拍攝一個跳起的鏡頭時，唯獨是她不合拍子，最終要麥包、祥仔「的」起她拍攝，她笑言：「係呀，搞到大家ＮＧ都唔好意思，我請佢哋食飯囉！」
文：影視組