林欣彤為食消防柱女冧fans
小巨肺林欣彤日前接師姐泳兒棒，接拍大型連鎖快餐店廣告，並攬實扶手滑柱以「可愛消防員」造型「冧死」fans。
即將完成學業及準備在暑假全面出擊樂壇的林欣彤（Mag），日前擔任連鎖快餐店新代言人，更以高酬勞拍攝電視廣告。阿Mag在廣告中化身消防員，在出動救火時堅持不肯沿滑柱落下，並呼叫：「唔落，點都唔落！」意思指食品「點都唔落味精」！這一幕要阿Mag雙手緊緊攬住扶手滑柱，足足拍了三小時以上，不過敬業的阿Mag並沒有大喊辛苦。
食飽好唱歌
提到學業，她說：「拍廣告嗰時我考緊試，一方面要溫書，一方面要抽時間拍，搞到冇時間瞓覺，不過我真係好想拍呢個廣告，因為可以食唔同嘅嘢，所以拍攝前幾日開始節食。」拍畢後阿Mag自言十分開心：「因為食嘢可以令我放鬆心情，唱歌都會舒服啲！」
文：音樂組