(3)許亦妮嫌選港姐規矩多

十五位候選港姐昨日出席《沙田辛卯年龍舟競渡》，「D Cup GiGi」(3)許亦妮因負面新聞多多，甫到場即成焦點。對於被指因男友識高層而享有特權揀衫及戴「大眼仔」，她說：「我冇戴大眼仔，參選港姐有好多規矩！」她又否認說過自己是內定冠軍及最上鏡小姐。

提到流出與男士的親密合照，許亦妮直認是前度男友：「我哋分咗手年幾。（係佢放料？）冇問，唔會懷疑佢！」是否專界有錢仔？她委屈地說：「唔係！我只係平凡女仔，來自普通家庭。（覺自己貪慕虛榮？）唔覺，識人講緣分。」

(5)朱晨麗坦言天氣酷熱，汗流浹背。

(4)林慧倩拿着旗仔為無綫龍舟隊打氣。

李天縱鍾情肌肉男

有指許亦妮對工作人員及佳麗有兩個面口，她笑言看完報道覺莫名其妙，因與其他佳麗感情要好，不擔心是非影響選情。此外，她承認識周柏豪：「十四歲喺模特兒公司識，只係普通朋友，冇聯絡。同Janice Man就有聯絡，但唔清楚佢感情事！（有報道話佢同劉浩龍撐枱腳！）佢好專一。」

另外，被抽中擔任鼓手的(10)李天縱表示很緊張，雖然未學過打鼓，但曾學跳舞，相信自己有節奏感。由於現場有不少肌肉男，問她喜不喜歡？她大方點頭，但就表示男友不是健碩型。

文：影視組