張栢芝避靜Skip試造型
張栢芝剛完成關錦鵬監製新片《影子愛人》，原定6月中要到內地為另一部新片《河東獅吼2》試造型，但投資方新亞娛樂公司余先生昨受訪稱試造型之計劃仍未落實，他表示：「原定6月中要返內地試造型，但我哋都想栢芝可以靜吓，所以暫時仲未落實，再加上我哋搵咗張叔平做美指，阿叔（指張叔平）已收到栢芝嘅尺碼，6月中試嘅話，都係睇吓栢芝有冇肥或者瘦到，栢芝仲話阿叔做嘅嘢，乜都啱心水，依家可能7月頭直接開工。」
該片預計拍攝2個月，據知，栢芝拍畢後暫時不再接電影工作，將全心全意陪9月入讀幼稚園的Lucas。而《影》片導演潘源良昨於微博留言，指栢芝為劇組帶來無比光芒，向她送上無限祝福！
霆鋒地盤開工
另一邊廂，謝霆鋒昨日如常為英皇電影《逆戰》於吉隆坡建築地盤開工，現場更築起圍欄以防傳媒拍攝，大批保安亦嚴陣以待栢芝踩場，但據知仍未見栢芝蒲頭。昨日致電導演林超賢，他不願多提鋒芝事件︰「依家拍緊戲，唔方便講咁多，唔好意思。」至於網上消息指霆鋒與栢芝簽紙離婚，霆鋒經理人霍汶希對此表示：「不回應。」
