有指孕婦產子後坐月期間一個月內不宜洗頭，避免「頭風」，關嘉美醫生指做法大錯特錯：「唔洗頭係古老嘢，咁會患皮膚炎，依家多鼓勵餵人奶，媽媽唔乾淨會增加ＢＢ受細菌感染嘅機會，都係洗乾淨後多啲同ＢＢ親密接觸仲好。醫學上冇『頭風』，只係怕易冷親，洗頭後即刻吹乾就得，建議留短髮方便打理。」
有指以薑水洗頭可驅風，關醫生表示此做法亦可，留意水要乾淨。另外，她提醒餵母乳的媽媽宜均衡飲食及食富營養的食物，避免吃燕窩等含高蛋白質的補品，影響剖腹傷口的復原情況，同時ＢＢ亦不需吸收這些養分。