新任媽咪坐月期間禁忌特別多，例如不能洗頭、吹風，不過圈中不少潮媽懶理禁忌，紛紛忍不住破禁。
琦琦：我喺醫院生完第二日已經洗頭，屋企就用薑水洗，洗完會用兩個風筒吹乾個頭；另外，醫生建議餵人奶時要特別注意衞生。
童愛玲：台灣人傳統要在醫院坐月一個月，我忍到第十一日，已經靜靜雞去髮型屋洗頭；而且台灣坐月嘅傳統係唔可以飲水，只可以飲用米酒煮出嚟嘅水，但我忍到第二個禮拜，已經偷偷買水飲。
歐倩怡：我生完大仔第三日就沖涼，知道用薑水沖涼可以驅風。我有親戚讀「陪月課程」，指以前啲人用井水沖涼，所以好容易冷親，好彩依家有暖水沖涼洗頭，沖完用風筒吹乾啲頭髮就冇事。
