黃婉曼反叛學生妹
從「天氣小姐」搖身一變為Hit爆節目《撳錢》主持人的黃婉曼（Icy），中學時代在名校香島中學留下足印。外表十足純情學生妹的她內藏一顆反叛的心，她說：「我都幾兩極，上堂會瞓覺，但返屋企會讀書，考試好叻。校裙過膝、Gel頭、戴耳環呢啲犯校規嘢我統統有做，我明白學校要形象要校風，但係條裙短唔代表唔讀書，唔係『娘』就等於乖學生！」
培養做幕前興趣
Icy活躍於文科活動，書法、朗誦、唱歌、辯論比賽得獎是家常便飯：「我一個學期參加成十樣課外活動，星期六、日都唔返屋企。小學我好怕醜，到中學老師話我得，我就乜都試吓，可能嗰段時間開始培養到做幕前嘅興趣啦！」身為老師心目中乖乖女的她讀中一時更獲選負責升國旗：「嗰時差唔多回歸，全世界都學升旗，我都升咗兩年。」
倡導家校合作
香島中學創校於1946年，是一所傳統愛國學校，堅持母語教學，致力培養品學兼優、德智體全面的學生。校方早於1958年成立「家長教師聯誼會」，是家校合作的倡導者。圈中香島校友芸芸，包括苗僑偉、戚美珍夫婦、影后鮑起靜、著名主持人何守信、o靚模蔡穎恩等。
文：專案組