志偉帶隊闖日膽博膽食魚生
日本核輻射危機尚未消弭，當地旅業相關單位邀請《獎門人》曾志偉出山，率藝人赴東京拍攝特輯振興旅遊業，在輻射陰霾下，續玩「辣辣壽司邊個食」，魚生照食。
日本3.11大地震導致核輻射洩漏，昔日繁華首都東京，今日已遊人銳減，嚴重打擊當地旅遊業。有見及此，日本旅業相關單位專誠邀請《獎門人》曾志偉率一眾藝人，於本月19日赴東京及大阪兩星期拍攝特輯。
驚唔夠腳狂碌卡
雖然《獎門人》已停播好一陣子，但曾以演藝人協會名義在港發起賑災晚會的志偉，除了「出山」救日本旅業外，更無懼輻射威脅，繼續大玩經典環節「辣辣壽司邊個食」，照食魚生，實行膽博膽！不過，不少藝人因黃色旅遊警示仍生效而卻步，加上離出發日期僅餘兩星期，令「湊夠腳」問題頓生，監製陳志球說：「依家仲同藝人度緊期，真係有啲難度！」
據知，目前不在港的志偉積極碌爆人情卡，邀請「鐵腳」洪天明、錢嘉樂、湯盈盈、金剛、張美妮及陳美詩等拔刀相助。
張美妮「唔怕死」
目前身在內地的天明坦承志偉曾與他度期：「為咗撐志偉盡量度啦！都唔擔心輻射，反正該死唔使病！」而張美妮及金剛亦異口同聲表示「唔怕死」，美妮說：「我唔怕輻射，最怕冇得去！去到咩都食，仲要狂買振興經濟！」
文：影視組