王晶與霆鋒一家稔熟，他於《財神客棧》記者會被問到鋒芝婚變時直言：「能鬧這麼大，不會沒事。」他更表示有向親友八卦打聽，大讚霆鋒努力拍戲，非常專業。較早前王晶與栢芝合作《無價之寶》，他坦言與栢芝不是熟落。《無》片將於八月上映，未知栢芝屆時會否出席宣傳。他說：「就算佢唔出席都有其他人，如果佢情緒唔穩定，出席宣傳成個重心都錯咗，寧願佢唔嚟，記者都唔係問電影嘅嘢，對宣傳都冇幫助。」
另外，身為謝婷婷契媽的汪明荃昨日於電話則稱：「唔太清楚，睇報紙先知佢哋婚變新聞。（有冇搵狄波拉了解？）冇，唔想煩人住。」而杜琪峯出席法國電影《先知》首映，問到有否聯絡曾合作過的栢芝？他說：「冇，我都冇乜戲啱佢拍。（信佢哋婚變？）呢啲事娛樂圈成日都有，姻緣嘅嘢好講緣分。」