陳嘉桓唔介意矮仔只重溝通
高妹陳嘉桓（Rose）說她平日大多以平底鞋示人，但拍戲很多時候要穿上高跟鞋，難找到拍檔嗎？她說：「公司都叫我唔好畀高度限制，好似嚟緊我同羅仲謙合作，戲中我着四吋高踭鞋會高過佢，但鏡頭可以就到。」那現實生活豈會難找男友？她笑說：「我又冇諗過呢個問題，凡事都唔係睇外表，我覺得心靈溝通先係最緊要！（介意男友矮過你嗎？）唔會介意，拍拖係兩個人嘅事，唔理外間點批評，最緊要溝通到，相處舒服！」
早前Rose到鞋店揀選鞋子，問到夏天來臨，擁有41吋長腿的她可會騷一騷本錢？她說：「我覺得夏天着背心短褲好正常，加上對自己對腳都有啲信心，覺得成個感覺幾平均，所以都唔介意！」會否走性感路線？她笑說：「性感每個人嘅定義唔同，我就覺得性感係要尊重個場合，有時着晚裝性感少少先靚！」她又謂心目中的性感女神是林熙蕾，笑言自己沒資格當甚麼女神呢！
場地：Jipi Japa
服裝：accessorize