Baby遭整蠱尷尬咀唔停

潮模Angelababy近來轉戰影壇，還為電影《全球熱戀》開金口獻唱，早前她在內地拍畢電影後回港錄音，無奈撞正發燒：「喺北京拍咗好耐戲，習慣咗當地乾燥嘅天氣，返香港之後反而水土不服發燒，燒咗幾日。」

想出碟攻樂壇

為避免影響《全》片的進度，Baby堅持錄音，雖然抱恙的她略現疲態，但甫埋位即有精神，事前還不停自行練習，培養情緒，並透露歌曲是慘情歌，歌癮大發的Baby還說想推出單曲唱片，進軍樂壇呢！

Baby在新片中飾演惡死的大明星，問到與男對手的親熱戲會否比上一集多？她說：「今次親熱過上次，上次蜻蜓點水，今次多啲啲啦！（尷尬？）都幾尷尬，拍嗰個鏡頭時遇着大陸記者探班，好多人圍觀。」自言沒有豐富拍咀戲經驗的Baby，被導演夏永康（Wing Shya）嫌錫得太僵硬，所以被要求重錫，最後拍了三次。

Baby帶病上陣為新片錄歌，唱出歌癮的她有意出單曲唱片，進軍樂壇。

Baby（左）被導演夏永康（右）整蠱，要她與男對手錫完又錫。（資料圖片）

收貨再嚟多個

連錫三次，Baby大爆遭夏永康整蠱：「第一take唔得之後，佢有教我，第二take時佢已經收貨，擰轉面話可以，但又話嚟多個，最後其實佢係要第二take嗰個嘅。哈哈！可能係男對手畀咗錢阿Wing啦。」

文：專案組