Jeana睇錢分上谷大血管胸
周秀娜師妹何佩瑜（Jeana）昨日「乳」出驚人，力谷警鐘胸現身新片海報拍攝，輕易打低同場的「咪神」陳靜，不過以血管胸自居的Jeana卻嫌唔夠用，說若價錢吸引，有意把32C的身形升呢到34C！
Jeana、陳靜、楊愛瑾（Miki）、鄭融等昨日齊為電影《喜愛夜蒲》拍攝宣傳海報，身穿白色背心的Jeana力谷警鐘胸，就連坐下梳化時也不忘雙手托胸，惹來鎂光燈閃不停，令僅穿上黑色低Ｖ連身裙的陳靜即時被比下去。
自誇皮薄餡靚
對於成為全場身材最勁的女星，Jeana謙虛否認，表示此乃穿上兩層背心配Push Up胸圍的效果，被指谷出警鐘胸，Jeana笑不攏嘴謂：「係血管胸呀，皮薄餡靚，（個形咁怪，有冇整過？）梗係冇，都唔夠，不過有贊助都想，依家32C，想整到34C囉！我比較貪心，（咁夠膽？）講吓啫！睇錢囉！（拍戲有冇男演員(目及)你？）唔知，因為佢哋戴住黑超唔知望咩！」
唔抗拒內衣騷
而慘成輸家的陳靜則表示已盡了力，自言也有真胸上陣，對於Jeana表示有意隆胸，陳靜笑指對方「已夠使」，根本毋須加工，更有感而發謂：「我出道時都畀人話整過，之後仲驗過添，我夠用，以前唔鍾意，而家就覺得對做嘢有幫助，有必要先拎出嚟，張相都出大啲，夏天要性感，我未接過內衣同泳衣騷，但唔抗拒囉！」
文：影視組