官恩娜自認和善唔會亂掟嘢
官恩娜（Ella）前晚與港日混血兒歌手日華舉行音樂會，雖然日本受地震及輻射問題困擾，但無懼危險的Ella仍希望忙完宣傳新碟後，抽空到當地旅行，順道買唇膏。Ella更隨即拿出印有已檢測輻射的日本製假眼睫毛。而日華透露當地依然緊張，自己亦帶有測輻射儀器，只是香港少報道而不知情。
此外，Ella昨日現身探訪活動，自認將會是和善老人，她說：「覺得自己愈大，脾氣愈來愈少，細個好忟憎，同阿哥好似打魚咁，一見到面就打交，導致以為同男仔相處就應該吵吵鬧鬧（發男友脾氣？）初戀嘅時候都會做得冇咁好。」
雖然有脾氣，但Ella就言從不亂拋東西，反而曾被暴躁男友意外弄傷，她說：「佢冇心嘅，係推塌個玻璃瓶，碎片整傷咗我大髀，依家都仲有疤痕（現任男友呢？）佢脾氣好好。」
Ella又言甚愛與老人家相處，有公公見到她的復刻版座駕就會跟她說打仗前見過。她又謂自己好鍾意聽他們講我未出世前嘅事，將來有機會再讀書的話，一定會讀歷史。