愛食肥肉糉 江若琳端午例增磅
江若琳（Elanne)昨日與官恩娜現身探訪活動，與長者提早過端午節。Elanne表示小時候亦有和婆婆包糉，但技術麻麻，包得好核突。她又謂鍾意食有肥豬肉的糉，因此年年端午節都一定會肥。
另外，忙於在內地發展的Elanne透露將夥拍廖啟智拍攝紀念辛亥革命電影，及後將籌備首張國語大碟。問到她是否搵人民幣較好，她又坦承搵人民幣好過搵港幣，因為內地發展空間大，自己亦已慣了北上拍劇，朋友亦成日問她「你幾時返上去？」現在每次回到香港，都不斷Shopping同食嘢。她又透露TVB有找她拍劇，不過檔期唔啱，所以冇接到。
雖然現在工作忙碌，但她指家人相當體諒未有詐型。問到Elanne身家由雙位數增添多少個零？她說：「OK嘅，邊個冇捱過，捱過先識珍惜，冇正式數過，錢都係交畀媽咪處理，依家冇乜機會使錢。」Elanne表示正儲錢買樓，目標是千呎單位，已差不多儲夠首期。