佘詩曼冇興趣瞄嘉穎股罅
佘詩曼昨日為新劇《4 In Love》試造型時透露，因嫌內地近月天氣炎熱而延遲北上，留港拍劇。阿佘又謂未有收看前緋聞男友鄭嘉穎的露股罅戲，亦無意重溫。
佘詩曼、陳豪、朱慧敏、黃德斌、金剛等昨日到將軍澳電視城為新劇《4 In Love》試造型。介紹角色時金剛表示劇中扮演愛夜蒲的金融才俊，他還自誇戴上假髮後靚仔過吳卓羲，他一時說得興起：「戲裏面有唔少床戲，好多女仔鍾意同我扑X﹗」令現場一片起哄。金剛事後表示明白是做愛的意思，但就不知是粗鄙用語。
唔怕有媺言
佘詩曼在劇中扮演國際巨星，與MK Look的陳豪發展一段身份差天共地的戀情。阿佘認為愛情無分國界、職業，愛情最緊要自己喜歡，但現實中卻未遇如此情況。對於有指阿佘因主演的《花花世界花家姐》口碑麻麻，故與無綫已轉為部頭合約的她趕緊接拍此劇，望能與鍾嘉欣爭「視后」，阿佘說：「同獎項無關，其實套劇都唔知係咪今年出。因為呢幾個月大陸好熱，所以唔想上去拍劇住，咁啱又遇到呢個劇本，都係第一次拍戚其義嘅喜劇。」
佘詩曼前緋聞男友鄭嘉穎主演的《怒火街頭》一場露股罅戲近期成為熱話兼帶挈收視高開，阿佘表示有捧場，但就未有看到該場露股罅戲，問阿佘可會上網重溫﹖她說：「唔會喇，未至於有咁濃厚嘅興趣。」陳豪透露劇情講及娛樂圈的緋聞傳言，以及造假的緋聞，題材敏感，但他就不怕與阿佘再傳緋聞。問到緋聞女友陳茵媺可信得過他﹖陳豪則笑說：「希望信啦。」
文：影視組