姑嫂關係 濃變淡
愛錫哥哥謝霆鋒的謝婷婷，由霆鋒跟栢芝拍拖到結婚一直力撐阿嫂，姑嫂關係一向密切，不過最近婷婷言語間開始表現冷淡，姑嫂關係生變。
密切期
08年霆鋒同栢芝秘密結婚，雖然拉姑好嬲霆鋒唔出聲，但栢芝同婷婷關係友好，栢芝經常送手袋等禮物給婷婷。
力撐期
09年栢芝發生「床照事件」，婷婷公開力撐一家人都咁愛栢芝，唔會再提件事，更公開對阿嫂講「I Love You﹗」去年二月，婷婷讚栢芝是Superwoman，經常親自照顧Lucas，十足好媽媽。
冷淡期
今年三月婷婷被問及Lucas經常跟栢芝周圍飛時，「話中有話」表示好奇成日在拉姑屋企見到他，好似唔使返學。五月栢芝生日，婷婷表示他們冇送禮習慣，亦只託人同栢芝講生日快樂，雙方關係明顯生疏。