婷婷等霆鋒電話爆料
「鋒芝婚變」熱爆全城，謝婷婷昨日出席活動時即被追訪哥哥霆鋒婚變一事，婷婷大讚哥哥已經十分成熟，相信他有能力處理事件，更表示自己很多事都不知道，現正等霆鋒打電話給她「爆料」。
謝婷婷昨日以性感deep V兼大露背出席活動，不過大家焦點還是落在其兄霆鋒與栢芝的婚變問題上，不過婷婷亦有備而來，她說：「我有聽過（佢哋婚變報道），但自己唔識睇中文，（信唔信佢哋離婚？）我冇問呢啲嘢，（有冇打畀霆鋒？）我冇問哥哥，平時都冇做呢啲嘢。」
好耐冇見過Lucas
婷婷一副置身事外姿態，似對哥哥婚變漠不關心，婷婷即否認說：「我唔係唔關心，如果佢覺得我夠成熟去明白佢，佢會打畀我，佢唔會為一啲普通嘢打畀我，我等緊佢主動打嚟。」至於有傳栢芝狂擸霆鋒的錢和物業，婷婷只說對此不太清楚。
查小欣早前在電台爆料，指栢芝每個月都用一對兒子作籌碼，婷婷聞言即力撐霆鋒說：「其實霆鋒已經大個仔，今年仲畀我發覺佢成熟咗好多，我都等佢成熟好耐，佢咁成熟會搞得掂，就算真係有定冇（離婚），佢都識得去處理！」
問到有否覺得一對姪仔最無辜？婷婷稱平日見到他們都玩得很開心。對於外間指栢芝常帶Lucas外出，她說：「其實我好耐冇見過佢，亦冇去過佢嗰度（陽明山莊新居），Quintus生日會後都冇見過，（佢哋係咪分居？）我冇問，呢啲嘢都係人哋話畀我聽，我唔清楚，當然父母會話我聽，但連佢哋都冇多問，佢哋兩個（鋒芝）喜事（結婚）都會收埋啦，總之呢啲嘢佢哋兩個自己處理啦！」
拉姑湊Quintus兩月
婷婷又謂因鋒芝拍戲，母親拉姑已經代湊Quintus兩個月。問到會否擔心兩個小朋友分開？她表現無奈：「我真係唔知道，到真係發生咗先算，我冇諗得咁長遠，（你嘅立場贊成兄嫂復合定分開？）無論揀咩都好，最緊要佢哋開心就得，呢個世界太多事發生，要珍惜每一分鐘！」
婷婷透露不知Lucas有沒有返學，更表示自己很多事都「蒙在鼓裏」，她說：「其實佢哋都慣咗乜嘢都唔話我聽，因為佢哋仲覺得我係BB，好多嘢都唔明白，好似以前爸媽有咩事都唔同我講，我都好尊重佢哋選擇，放棄問佢哋，等佢哋confirm就會同我講。」
文：名人組