朱紫嬈寫歌廁所搵靈感
去年仍是樂壇新人的朱紫嬈（Khloe），今年正式升呢為「歌手」，推出新碟之餘，又即將舉行首個迷你演唱會，現正閉關密密練樂器，望可以歌會友！
Khloe今年正式擺脫樂壇新人身份，剪短頭髮走型格歌手路線，新碟推出後，她會於八月舉行迷你演唱會會樂迷，到時可能會邀請嘉賓同台Jam歌：「我都諗緊自己會表演乜嘢樂器，可能打鼓，真係要努力閉關練功！」她閒時都會用鋼琴作曲，直言在廁所獲最多靈感：「有時沖沖吓涼會諗到，跟住就會趕出廳，即刻用電話錄低。」
加入Jazz味
在即將推出的新碟中，本身是張國榮（哥哥）粉絲的Khloe，特別翻唱了哥哥名作《無心睡眠》，但就改編成慢歌，唱出另一種味道：「首歌重新編排後變咗另一種嘢，加咗Jazz同Soul嘅味道，自己演繹方式都唔同咗好多，同唱流行曲唔同，搵到自己另一種聲音！」碟內亦會收錄她的處女作曲歌《投影》，另外她又特別填寫了英文版本《Cast Away》。
採訪：專案組
攝影：黎志輝
服裝：Harvey Nichols