詹瑞文慘被玩到露雀
詹瑞文與王晶製作的新片《潮性辦公室》，幕前性感女神集合陳靜（DaDa）、趙彤、莊思敏、呂慧儀等，導演兼演員的阿詹說：「電影版《潮性》一定要同舞台版唔同至好玩，我同趙彤對手戲最多，有場我被佢玩到變裸模！（全裸演出？）總之慘到露雀，起初我都擔心唔知邊個演趙彤個角色，但晶哥係電影風水大師，佢選角認真一流。」
王晶也力讚趙彤，他說：「趙彤對性題材唔扭擰，但最大驚喜係蝦頭（楊詩敏），佢對戲劇嘅知識係吳君如所冇，又有苑瓊丹嗰份搏殺。（鹹濕加搞笑，票房有信心？）《3D肉蒲團》都幾搞笑o架，不過唔好笑咁解，《潮性》舞台劇版積累咗六、七萬人睇過，呢班fans入場已經有400萬票房打底。」