黃智雯鞭策自己做一姐

戲劇學院出身的黃智雯，年前因於劇集演「鵪鶉妹」一角成功彈出，其後劇集不斷，雖然尚未進新花旦之列，但仍然長拍長有，最近智雯便在新劇《怒火街頭》中，與胡杏兒飾演同居密友，鑑於二人曾經合作過，故今次演對手時更顯默契。

向胡杏兒偷師

談到與前輩合作，智雯笑指不時向杏兒偷師，她謂：「佢為人認真，有時會幫我諗埋一啲我忽略咗嘅嘢，同埋杏兒記對白一流，今次演律師台詞好專業，佢都只係1、2Take就搞掂。」對於「鵪鶉妹」的成功令觀眾對她其後的作品有所要求，智雯坦言起初也會有壓力，擔心被局限形象，幸而慢慢克服過來。

智雯希望得到認同，最恨攞「飛躍進步女藝員」獎。

曾合作過的智雯（右）與杏兒，今次更顯默契。

單身專注工作

無綫一姐早前滿約離巢，不少花旦亦爭相上位，智雯表示也會視佘詩曼為目標，她謂：「達唔達到（目標）都好，但我工作機會無疑係好多，咁有鬥心係好，平常心啦！其實我好想攞『飛躍進步女藝員』，因為代表到觀眾認同喺嗰年間嘅進步。」為了裝備好自己，智雯亦不時跟導演上演技課，望學以致用。

把工作排得密麻麻的她，自言入行後已沒有拍拖，雖然挑選對象要求已非如年輕時般定必要靚仔，奈何圈子甚窄，尚未遇上合眼緣異性，智雯更自爆一旦遇上，她可能會瞓身去愛，分分鐘無心工作：「我覺得自己係會咁，所以希望等我有啲成績，有一部可以代表到自己嘅作品，先至再去諗拍拖都未遲嘅。」

文：影視組

攝：唐豁莊

服裝及場地：Energie

化妝：Raymond Yip