李曼筠出煮意餵飽身邊人

Maggie憑豐滿上圍成名，擁有葫蘆身形的她得天獨厚，食極都唔肥！除了愛吃，她更愛下廚給身邊人分享：「我好鍾意整嘢畀身邊嘅人食，見佢哋食我煮嘅嘢嗰種表情令我好有滿足感！」

不怕廚房油煙

年僅廿二歲的Maggie完全跳出港女嫌廚房的油煙多的缺點，問到有否下廚給男友品嘗？她笑謂：「依家冇男朋友，不過以前細個都有嘅，但嗰時淨係識整雞翼，蜜糖雞翼、燒雞翼咩口味都整過。」

對於飲食，Maggie自有心得，年紀小小的她非常識歎，懂得以美酒配佳餚。她說：「我有時喺屋企煮完嘢食，都會飲唔同嘅酒去配番，好正架！」問到有否試過酒後糊塗？她說：「我飲醉就會瞓，同埋我覺得一個女仔係唔應該喺街飲醉酒，太危險。」

Maggie喜歡看到別人吃得一臉滿足的樣子。

愛下廚的Maggie經常嘗試整嘢食，相信家人亦受惠不少。

懂節制驚飲醉

是次拍攝，餐廳特別送上特調酒給Maggie品嘗，懂節制的她原本怕飲醉而拒絕好意，但得悉酒精含量不高後即喝了數口。她說：「幾好飲喎！個感覺好得意，酒味又唔濃。」

文：冰奇

攝：秦健輝

場地：Grand Central Bar & Grill