袁偉豪教港男擺甫士勿chok
新一屆香港先生又開鑼，身為師兄、07年香港先生冠軍的袁偉豪提醒一班參選港男，在擺甫士時不用太chok，他笑說：「香港先生當然要騷肌肉，但太chok可能會出現反效果，只要自然啲就可以。當見到靚女司儀時亦唔好口震震，一定要表現得淡定。」
袁偉豪自從加入無綫後，一劇接一劇未停過，他十分感激公司給予的機會，他說：「近幾年古裝、時裝，好人、壞人乜都演過，最近喺《花花世花家姐》裏面飾演有錢仔，同林峯爭女，都幾好玩。」拍劇以外，他亦不時裝備自己，每日最少做兩小時運動，他說：「今年五月剛踏入三十歲，人大咗新陳代謝較慢，所以一定要keep住多做運動，保持最fit身材，我都想喺夏天行吓泳衣騷搵真銀。」