趙彤求偶講心唔講金
台模趙彤（Yedda）近年來港掘金，經常與城中「富二代」傳緋聞，她直認一向桃花旺，但並非貪錢女人，自言最重要另一半積極上進。
擁有33D豐滿身材的Yedda來港發展後，曾與霍啟剛、林忠豪等傳過緋聞，雖然她例牌否認戀情，但卻自爆多人追﹕「之前因為太多人追，搞到打電話向風水師求救，希望可以減少啲桃花。」
爆咗粗都唔知
雖然經常同有錢人傳緋聞，原來Yedda的擇偶條件只是「講心唔講金」， 她說：「我理想嘅另一半最緊要有目標、做事有計劃，唔一定好有錢，但要有安全感。我成日中港兩邊飛，時間唔穩定，好難同對方培養感情。」
愛情無着落，但有工作寄託的Yedda，最近拍攝首套香港電視劇《親密損友》，講述一班朋友一齊住，發生不少笑料，劇中她是個外國回流的23歲女仔，她說：「雖然個角色講廣東話不太正，但廣東話嘅助語詞好難用，有時真係要死記。」因此Yedda積極學廣東話，她笑說：「以前講咗好多粗口都唔知，依家差唔多拍完呢套劇廣東話都好好多。」
學做架勢CEO
六月初上映的電影《潮性辦公室》，由舞台劇改編而成，她在戲中飾演CEO，是莊思敏及陳靜的上司，角色性格強硬，Yedda說：「我份人比較女性化，唔夠威嚴，所以特登參考身邊嘅女CEO，發現佢哋通常都好有架勢。」
文：專案組