詩雅演技出色膺最佳女主角
英皇女星詩雅早前為電台拍攝短片《愛回家》系列，飾演一名患有小腦萎縮症的女生。由於是真人真事改編，詩雅為求演繹神似，親身探訪過該女生，結果獲獎而回。她雀躍地說：「電台拎咗段片去美國參展，點知攞咗最佳女主角獎，知道呢個消息後，嗰下仲以為發緊夢。」
詩雅又透露稍後接拍兩部電影及一齣舞台劇：「其中一部戲嘅內容同靈體有關，劇情會話我畀鬼上身，令自己有雙重性格，係另一種挑戰。」她自爆愛扮鬼上身，更試過嚇初戀男友：「當時嚇到佢揸住我隻中指，我都覺得自己好衰。」
場地：EL CID@諾士佛臺